၁။ အိုသန့်ရှင်းသော ဝိညာဉ်ဘုရား၊ ဆင်းသက်ကြွတော်မူပါ၊
ကျွန်ုပ်တို့ စိတ် ညစ်ညူးအရာ၊ ဆေးကြောစင်ကြယ်စေပါ။
၂။ ဇာတိဖြင့်ပင် ကျွန်ုပ်တို့သည် ဆိုးယုတ်ညစ်ညူးလှပါ၊
ကိုယ်ကြံစည်ခြင်း အကျင့်ဖြင့်လည်း၊ ဆိုးညစ်အားကြီး တကား။
၃။ ကိုယ်လုံ့လဖြင့် ကိုယ်စိတ်သဘော မပြောင်းမလဲ တတ်ပါ၊
ဖန်ဆင်းတတ်သော ဘုန်းအာနုဘော် အသစ်ပြုပြင် နိုင်ရာ။
၄။ သားတော်ဘုရား ကျွန်ုပ်တို့ကြောင့်၊ အသက်တော် စွန့်ပြီးမှ၊
သေခြင်းမှ ထ တက်ကြွသောကြောင့်၊ ကိုယ်တော် ဆင်းသက်ရပါ။
၅။ အိုသန့်ရှင်းသော ဝိညာဉ်ဘုရား၊ မဆိုင်းဆင်းကြွမူပါ၊
အသစ်သော စိတ်၊ သန့်ရှင်းအရာ၊ ပြုပြင်သွင်းပေးသနား။ အာမင်