၁။ တိုင်တော်နားနေရာချထား၊ ကရာနီကုန်းပေါ်မှာ၊
ချမ်းသာပေး သက်စမ်းရေသည်၊ လူတိုင်းဖို့ စီးနေ၏။
ထပ်ဆို
တိုင်တော်တွင်၊ တိုင်တော်တွင်၊ ငါဝါကြွားရာဖြစ်စေ၊
ငါ၏ ဝိညာဉ် ငြိမ်သက်ခြင်း၊ ဝင်သည်တိုင်အောင် ဖြစ်စေ။
၂။ တိုင်တော်နား တုန်လှုပ်ရပ်နေ၊ ကရုဏာတော် တွေ့လေ၊
ထွန်းတောက်သော မိုးသောက်ကြယ်သည်၊ ငါပတ်လည် လင်းစေ၏။
၃။ သိုးသငယ်မြတ် တိုင်တော်နား၊ ငါသည် စဉ်ရှုမြင်ရာ၊
တိုင်တော်မြတ် အရိပ်အောက်မှာ၊ လျှောက်နိုင်အောင် ကယ်မပါ။
၄။ တိုင်တော်နား၊ ငါစောင့်နေမည်၊ အစဉ်မျှော်လင့် ယုံကြည်၊
မြစ်တစ်ဘက်ရှိသော ရွှေပြည်ရောက်သည် တိုင်အောင်စောင့်မည်။